2018年「我厭惡的十大無綫男女藝人」頒獎禮 – 睇下有無心水入選?

432

前排網民喺香港討論區搞咗個「我厭惡的十大無綫男女藝人」投票,睇下有無你心水入選?

第十位 王浩信

自王浩信同靚靚老婆陳自瑤傳婚變後,令佢嘅形象嚴重插水!而且近呢幾年佢嘅緋聞一直冇停過,黃心穎、蔡思貝、江嘉敏都係緋聞女友之一。

第九位 林師傑

出自巨聲幫嘅林師傑有過唔少緋聞女友,而且成日覺得自己好靚仔 = =就連舊愛鄧穎芝都頂佢唔順,暗寸佢多囡囡,所以網民對佢嘅觀感可能因為咁麻麻哋!

第八位 – 崔建邦

崔建邦早幾年已經有好多偷食嘅緋聞,網民都成日話佢係賤男,所以多上榜係正常嘅。

第七位  – 黃翠如

TBB想谷紅佢,可惜弄巧反拙⋯⋯差唔多套套劇集都見到佢,但演技又麻麻嘅佢,令到D觀眾睇到唔想睇!

第六位 –  吳業坤

坤哥扮出一副「毒丁」形象,傻吓傻吓咁,實情佢比人傳背住前緋聞女友Super girl成員Aka識女仔,感情生活好亂。依家好多人都話佢係「扮傻扮被動」「偽毒」。

第五位 小三何雁詩

出身自巨聲幫嘅何雁詩喺上年介入鄭俊弘同三年未婚妻之間做小三!之後二人仲十指緊扣現身機場,高調承認戀情,令到好多網民都反晒白眼!仲要比張曦雯爆佢大鑊,原來佢一早已經好鍾意搶人男友!

第四位 – 陳百祥

叻哥成日公開自己嘅睇法,但每次都語出驚人,而且寸寸貢、口氣大都令好多網民反感! 不過我個人認為,叻哥只係比較Real啫⋯⋯

叻哥前排金句!

第三位  –  李思捷

溝女王李思捷一向緋聞多多,不過佢幾好有性格:「係人都溝女,唔溝女才是乖仔?我覺得很荒謬,俾女溝又被人罵,溝女又被人罵,不如孤單一個就最乖?我覺得好無聊。」

第二位 – 鄭俊弘

自鄭俊弘被爆出搭上姣婆何雁詩,網民們都封佢為「世紀賤男」。之後更有傳鄭俊弘因為呢件事態度欠佳,令原本喺《逆緣》所演角色最後被陳家樂取代!

第一位 – 林盛斌(Bob)
阿Bob成日都喺電視見到佢做主持,不過原來佢觀眾緣真係好差。好似新一輯《美女廚房》佢都有份㗎⋯⋯不過好多人都Diss佢唔好笑仲話要罷睇。

老老實實佢又真係笑得衰過人⋯⋯

Source:香港討論區